Bayanatlar

Sherqiy Türkistan Sürgündiki Hökümitining 2-Nomurluq Bayanati

Sherqiy Türkistan Sürgündiki Hökümitining Bayanati

2011-Yili 2-Nomurluq

Amérika Qoshma Shitatliri-Washin’gton

2011-Yili 4-Ayning 4-Küni

Sherqiy Türkistanliq barliq yurtdashlar, söyümlük we eziz mujahid qérindashlar, chetellerdiki muhajir qérindashlar, köchmenler, Essalamu Eleykum!

Hökümitimizning 2011-yili 2-nomurluq bayanatini élan qilimiz.

Sherqiy Türkistan jumhuriyiti 1933-yili we 1944-yili qurulghandin kéyin Rus tajawuzchiliri gherbiy Türkistandiki mustemlike tupraqlardin ayrilip qalmasliq we Türkistan xelqining tajawuzchilargha qarshi omumiyüzlük isyanliridin qorqup pütün küchi bilen xitay tajawuzchilirigha destekchi bolup herxil süyiqest we birleshme térrorluq wastiliri bilen bizge düshmenlik qilip keldi. Tajawuzchilar haman Türkistan xelqi ichidin imani sus, iradisi ajiz, matiriyalizimchi, pasiq, nepsi-ewarisi hetta dinsiz qorchaqlarni yétishtürüp chiqip özliri üchün xizmet qildurushqa urunup keldi we ularning qoli bilen xelqimizning qénini ichip keldi. Tajawuzchilar bilen hemkarlishidighan pasiq we asi kishiler arqiliq Sherqiy Türkistandiki zorawanliq, talan-taraj we qirghinchiliqlarni anche qiynalmayla yürgüzüshti.

Xitay tajawuzchiliri her qaysi dewrlerde özliri üchün ishleydighan qorchaq kadirlarni terbiyilep chiqip wetinimizning ichide we chetellerde xizmetke sélip xelqaradiki adaletperwer küchlerning we xitay bilen düshmen bolghan dölet we milletlerning Sherqiy Türkistan mezlum xelqige bolghan hésdashliqliri we qilghusi yardemlirige tosqunluq qilish, saxta we sun’i  "wekil" shekillendürüp chetellikler béridighan yaki bérish éhtimali bolghan yardemlerning xelqimizge yaki xelqimizning heqiqi wekillirige emes, belki ashu saxta wekillerge bérilishige kapaletlik qilish üchün düshmen daim pay-pétek bolup heriket qilip kelmekte. Türkistan- Türkistanliqlarning ezeliy we ebediy ana wetini. Qet'i késip éytimizki, bu islam tupraqlirining büyük bir parchisi bolghan Sherqiy Türkistan qandaqtur "xitayning bir parchisi"- emes!

1949 -yilning axiridin ta 2004-yilghiche Sherqiy Türkistan xelqi öz hökümitidin ayrilip qélip weten ichide tajawuzchi kapir xitayning batil we zalim hökümranliqi astida zulum chekken bolsa, chetellerde bolsa sersan bolup sürgünde bolsimu hökümet quralmay xaniweyran halette yérim esirdin köprek waqit ötüp ketti. Meyli seudi erebistanda bolsun, meyli gherbiy Türkistandiki döletlerde bolsun, meyli türkiyede bolsun, meyli hindistanda bolsun Sherqiy Türkistan muhajirliri yaki köchmenliri sürgünde hökümet quralmidi yaki ashu döletler xitaydin qorqup yaki xitaygha yaxshi körünüsh üchün sürgünde hökümet qurushqa ruxset bermidi. Allahning teqdir qilishi bilen 2004-yili 9-ayda xitayning eng chong düshmini sanalghan amérika qoshma shitatliri Sherqiy Türkistanliq enwer yüsüp turani bashchiliqidiki Sherqiy Türkistan muhajirliri we köchmenlirining sürgünde hökümet qurushigha ruxset qilip tajawuzchi, qatil, zorawan, térrorchilar gorohi bolghan peskesh xitay hakimiyitini alaqzade qiliwetti.

Sürgünde hökümet qurush harpisida her qaysi döletlerdiki muhajir we köchmenlerge, uyghur teshkilatliri we Sherqiy Türkistan teshkilatlirigha hökümetke qatnishish toghrisida teklipname ewetildi. Ömride dölet qurushni tesewwur qilip baqmighan we herxil döletlerning qanun-tüzümliri astida cheklik paaliyetler bilen ammiwi paaliyet qilip kelgen köchmenler bu ishni angqiralmidi we hoduqup ketti. Sherqiy Türkistanning musteqilliqini emes, xitay hökümranliqini shert qilghan démokratiye yoligha méngishini, gherp döletliri terghip qiliwatqan az-tola insan heqlirini xitaylardin tama qilip azraq maddi we meniwi yardemge érishken teshkilatlar we ularning rehberliri pütün küchi bilen sürgünde hökümet qurulishigha qarshi turushti. Bu tarixiy pursetni ching tutup washin'gtonda hökümet qurup chiqish üchün hökümet eza namzatlirining salahiyet we iqtidarini tekshürüsh imkaniyiti bolmidi. Netijide hökümet ichige bir qisim iqtidarsiz, insapsiz, shexsiyetchi pasiq kishiler kirip qaldi.

Qisqighina bir nechche ay ichide undaq kishilerning epti-beshirisi, qara niyetliri we shexsiy menpeetliri hemde quruq shöhretliri üchün wetenni, milletni we wijdanini asanlar satalaydighan ikki yüzlimichilik mahiyiti ashkarilandi. Bu jiddi mesilini hel qilish üchün 2005-yili 7-ayning 28-küni bash ministir enwer yüsüp turani péshqedem matiriyalizimchi exmet igemberdi, sultan maxmut kashgarli ,xizirbek gayretullah, démiyan rexmet we ismail jén'giz qatarliq buzghunchilarni hökümettin qoghlandi qilghanliqini élan qildi. Bu péshqedem kadirlar uzun yillardin béri chetellerde ammiwi paaliyetler we xitayning insan heqlirini depsende qilish qilmishlirini pash qilip kün ötküzüsh bilen meshghul bolghan bolup, hökümettin ibaret düshmen bilen keskin küresh qilishni nizamname qilghan organdin qoghlandi qilinish bilen nime qilishini bilelmey aljishqa bashlidi. Awal bu péshqedem kadirlar mes'uliyetsiz tor béketlirining heqsiz munazire meydanlirigha qalaymiqan yazmilarni yézip chaplap baqti. Andin qolidin kélidighan barliq wastilar bilen hökümet qurghan enwer yüsüp turanigha we hökümet xizmitide éghir yükni öz üstige alghan kishilerge zeherxendilik qilshni dawamlashturup aile ezaliri we ijtimai munasiwet chembiridiki imtiyazliridin paydilinip cheteliklerni qaymuqturup özlirini xuddi rastinla sürgün hökümetning rehberliridek qilip körsitish üchün pay-pétek bolushup keldi.

Cheteliklerdiki aq köngül kishilerdin we bezi nadan köchmenlerdin ularning közini boyap pul élip u yer bu yerdiki yighinlargha ayrupilan bilen bérip, méhmanxanilarda yétip, yep-ichip sayahet qilip xitay teripidin kolléktip qetle qilinip musibetke chömdürülgen xelqimizning, yétim-yésirlerning, tul anilarning heqqini hayasizlarche yep keldi. Ular 20 kilogramliq bir qoral we oq dorini kötürüp ikki kilométir yerge barghudek maghdurgha yaki dölet tilida ikki taghar saman'gha höjjet yazghudek sewiye ige emes turup, sher'iyette we Sherqiy Türkistan dölitining qanunida milletning mal-mülkige xiyanet qilishning, kishilerning heqqini yiyishning, bashqilargha töhmet qilishning, bashqilarning emgikini igelliwélishning haram ikenlikini bilip yetküdek ilim, wetenni tajawuzchi kapirdin qutquzush üchün allah bergen pul we mal-mülkni, küch-quwwetni, barliq imkanlarni we eziz janni bérishning perz ibadet ikenligini bileligidek iman'gha ige bolmay turup "reis","bash ministir", "ministir"-digendek emellerge kanidek chaplishiwélip, hayasizlarche millet we dölet namini sétip siyasiy tilemchilerge aylinip ochuq-ashkara halda qit'e atlap, dölet atlap sayahet qilip xelqimiz we dölitimizning heqqini yidi. Chetelliklerning aldida millitimizning yüzini tökti. Sewzidin xewiri yoq polo dem yeptu,-dep azad qilinishi üchün minglighan shehid telep qilinidighan Sherqiy Türkistan dölitige "reis" bolush, "bash ministir" bolush we bu emellerni özi ölgiche mehkem tutush, andin oghligha, qizigha, kélinige, newrisige miras qaldurush, xitaygha qarshi we bashqa tajawuzchi kapirlargha qarshi keskin küresh -jiha bolghan yerlerge qet'i barmasliq, barghanlarni hökümetke yéqin yolatmasliq,....qarang bu "péshqedem" sheytanlargha!

Wetinimizni bésiwalghan tajawuzchi düshmen'ge qarshi jan tikip küresh qilghan mujahidlargha, ularning aile tawabatlirigha maddiy we meniwi yardem bérish u yaqta tursun, mujahidlarni yaman körüsh, xitaygha we bashqa kapirlargha qarshi idiyege ige yaxshi kishilerge töhmet chaplash, ziyankeshlik qilish, pitne-pasat tarqitip yaxshi kishilerning izzet-abroyigha ziyan yetküzüshtek peskeshliklerni qildi. Biz pütkül Sherqiy Türkistan xelqige we dunyagha yene bir qétim jakalaymizki, sürgün hökümitimizge bashta salayihet, iqitidar, diniy étiqad we wijdan tekshürüshidin ötküzülmey kirip qalghan yuqurida ismi tilgha élin'ghan quruq shöret üchün yashawatqan, héchqandaq bedel tölimeydighan we iqtidarsiz, insapsiz péshqedem yurtdashlardin exmet igemberdi, sultan maxmut kashgarli, xizirbek gayretullah, demiyan rexmet we ismail jén'giz qatarliq ezalarning 2005-yili 7-ayning 28-küni sürgün hökümettiki barliq wezipiliridin élip tashlinip, resmi halda qoghlandi qilin'ghanlliqini dunya jamaitige eslitip ötimiz. Yuquridiki péshqedem kadirlarning herqandaq yerde muxbirlargha yaki chetlliklerge bergen saxta bayanatliri, hökümitimiz namidin sunidighan iltimasliri inawetsiz we qanunsiz.

Sherqiy Türkistan Sürgündiki Hökümiti Sherqiy Türkistandin tajawuzchi, kapir xitaylarni teltöküs qoghlap chiqirip, allahning iradisige we musulman xelqimizning iradisige mas kélidighan musteqil dölitimizni qayta qurup chiqip zulum astidiki xelqimizni azad qilish, heqqaniy jemiyet berpa qilishni tüp meqset qilghan bolup, bu meqsetni herqandaq shekilde burmilashqa yol qoyulmaydu. Sürgündiki Hökümet bashqilargha mest bolup qalghanda ötküzüp béridighan zakuska yaki hediye emes. Chetellerdiki démokratiyini yaki bashqa taghutni boylap paaliyet qiliwatqan ammiwi teshkilatlar meyli qandaq isim qoyuwalghan bolushidin qet'inezer hökümetni ulargha ötküzüp bérish deydighan bir mentiqe yoq! Sherqiy Türkistan tupraqliridin tajawuzchi xitaylarni teltöküs qoghlap chiqirish, islamiy hakimiyet weislamiy musteqil Sherqiy Türkistan dölitini qurup chiqish-bizning tüp meqsidimizdur. Meyli komunist xitay bolsun, meyli démokratchi xitaylar bolsun hetta özlirini"perishte xitaylar" dep atiwalghan bolsun, dölitimizde herqandaq shekildiki batil hakimiyet yürgüzishige qet'i yol qoymaymiz. Xitay tajawuzchiliri we ularning wetinimizni dawamliq mustemlike qilip turiwérishi üchün her xil bahane-sewepler arqiliq xizmet qiliwatqan achköz, ghalcha, imansiz we munapiq yurtdashlargha qarshi küresh qilimiz. Musulman xelqimizning azadliqi we musteqilliqi üchün paydiliq bolghan küchler bilen ittipaq tüzimiz. Sherqiy Türkistan islam dölitining azadliq we musteqilliqidin, dinining islam bolushidin waz kechtürüshni meqset qilghan herqandaq "yardem"ni qet'i qobul qilmaymiz!

 Sherqiy Türkistan Sürgündiki Hökümiti Sherqiy Türkistan xelqi étiqad qilidighan islam dinigha étiqad qilmaydighan, xelqimizning din, medeniyet, til-yéziq, exlaq ölchemlirini bilmeydighan herqandaq kishini reis, bash ministir, ministir, wekil  yaki bashqa wezipilerge teyin qilmaydu. San toshquzush üchün hökümitimizge iqtidarsiz, wijdansiz, insapsiz kishiler we xitayperes kishiler qobul qilinmaydu.  Hökümitimiz "péshqedem kadirlar sanatoriyisi" emes! Belki mélini, jénini allah raziliqi üchün, wetinimiz we xelqimizni zalim xitaylardin azad qilish yolida teqdim qilalaydighan, yüksek derijidiki mesuliyet tuyghusigha ige, wijdanliq, imanliq, iqtidarliq mujahidlar we muhajir oghul-qizlardin terkip tapqan jenggiwar organ. Chetellerdiki wetinimizning xitaylardin azad bolushini arzu qilghan we musteqilliq kürishige bir kishilik hesse qoshup allah aldidiki burchini ada qilishni xalaydighan yurtdashlarning yénimizdin orun élishigha tilekdashmiz. Hökümitimiz xitaylarni we bashqa tajawuzchi kapirlarni yaxshi köridighan we ulardin shepqet tileydighanlardin bashqa herqandaq girajdanni hökümet ichide wezipe élip xizmet qilishini qarshi alidu. Mulazimetchi, meslihetchi, yardemchi yaki kespiy xizmetchi lazim bolghan ehwal astida hökümet ishxanisi muwapiq halda ish heqqi bérip xadimlarni yalliwalidu yaki teklip qilip ishlitidu. Bu xil xadimlar chet'ellik bolsimu boliwéridu.

Hakimiyet-shertsiz allahningdur. Hökümitimiz bu amanetni allahni tonumaydighan we allahtin qorqmaydighan kishilerge tapshurushni jinayet hésaplaydu. Sherqiy Türkistan Sürgündiki Hökümet orgini amérika qoshma shitatlirida bolup, bashqa dölet we rayonlardiki saxipezlerning hökümitimiz namidin öz xelqimizge shundaqla dunya jamaatchiligige bergen melumat yaki bayanatliri inawetsiz we qanunsizdur.

Hökümiitimizning resmi tor béti 2004-yili 11-ayda washin'gtonda chaqirilghan "asasiy qanun élan qilish yighini"da pütün dunyagha jakalan'ghan tor béti we kéyin tesis qilin'ghan tor bettin ibaret :

 

www.eastturkistan-gov.org

www.eastturkistangovernmentinexile.us

 

Hökümetning resmiy bayanatliri we Sherqiy Türkistan'gha munasiwetlik axbarat we uchurlar bu tor betliride élan qilinidu.tepsili uchurlar we radio-téléwiziye qismi hökümet tor bétide ulanma adrési yézilghan betlerdin ibaret. Ammiwi teshkilat yaki shexsilerning tor betlilridiki heqsiz munazire meydanlirigha yaki féisbuk, tiwittir digendek igisi yoq heqsiz ammiwi betlerge  chaplap qoyulghan yazmilar inawetsiz bolup étibargha élinmaydu. Allah zalim qewmni hidayet qilmaydu. Allah pasiq qewmni hidayet qilmaydu.

Hörmet bilen:

Sherqiy Türkistan Sürgündiki Hökümiti

Amérika Qoshma Shitatliri-Washin'gton


2011-yili 5-May, Peyshenbe
Enwer Yüsüp Turani
Bu uchur 3044 qétim oquldi.

Sherqiy Türkistan Jumhuriyiti Sürgündiki Hökümiti©2004-2015

XHTML 1.0 Strict xelqara ölchimige uyghun. CSS xelqara ölchimige uyghun.