Maqalilar

Xitay Komunist Tajawuzchiliri Qachan Gumran Bolidu?

Sherqiy Türkistan'gha Lenin-Stalin tajawuzchilar gorohigha shagirtqa kirip, sherqiy asiyadiki 450 milyon dinsiz xitayni "komunizim dini"gha kirgüzüsh wedisi bilen reis bolghan we xitayda, Sherqiy Türkistanda, Tibette, jenubiy Mongghulda, Kambodjadikilerni qoshuo hésaplighanda 100 milyin insanni jénigha zamin bolghan Maozeydong 1976-yili 9-séntebir küni "dawalash ünüm bermey" jehennemge seper qildi. Arqidinla Dengshiaoping atliq birsi chiqiwidi, jahan biraz ongshalghandek qildi-yu, emma Sherqiy Türkistan, Tibet, Mongghul tupraqliridiki zulum yenila dawam qildi. "Pilanliq tughut", "Sherqiy Türkistanni téz sür'ette bulash", " Tibetke tömür yol yasap bulangchiliqqa asas sélish"-deydighan yéngi bulangchiliq we mustemlike astidiki milletlerni omumiyüzlük qirip tügitip, ornigha xitay aqqunlarni "seplesh" pilanini küchep ijra qilishqa bashlidi. Jiangzeminmu Deng (müshük éyiq) alahide imtiyaz bergen we östürgen hökümran bolup zulumni dawam qildi. Jiangzemin qerip yaghaqtek bolup ketkechke, axshamliri yaxshi uxliyalmaydighan bolup qalghan we ornini Hujingtaogha boshitip bérip perde arqisida ailisi we qol chomaqchilirining kélechigini qandaq orunlashturush, chetel bankiliridiki pullirini qandaq bir terep qilish, Yawropa sot mehkimisige sunulghan shikayetnamining özige qandaq qorqunushluq jaza élip kélidighanliqini oylap körüsh...qatarliq ishlar bilen köngli aramida bolalmayla keldi.

Jiangzeminmu we kompartiyemu qerip ketti.Tebietning qanuni boyiche umu, uning zalim partiyisimu yéqin kelgüside jehennemge seper qilatti.U bir kün bolsimu uzun yashashni, özini we partiyisini halaketke qistawatqan kishilerni we ilahi wehimilerdin qorqup, üshshük herisidek hemmini chéqiwalghusi kélipla turatti. Xuddi tiananmende oqughuchilarni tanka,pilimot bilen basturghandek..

Bash jallat, terrorist Jiangzemin
Jiangzemin qérip ketti.

  Jiangzemin Hujingtaogha özining qérip qalghanliqini étirap qilip mundaq digen: "Partiyimizdekla menmu qerip qaldim. Yéqindin béri ehwalim yaxshi emes, künde uxlisamla qara bésip qalidighan bopqaldi. Dölet bayrimi ötküzimiz, jemiyet amanliqini kapaletke ige qilimiz-dep Tibet, Uyghur, Mong’ghul,Falun’gongchi xitay dep bigunah kishilerni köp tutup öltüriwettuqmu-nime? Ularning rohliri, aile-tawabati we tughqanliri bizni qaghiwetken, tengrilirige we Allahigha shikayet qilip ölümimizni tiligen bolsa kerek-dep oylap qaldim. Axsham chüshümde Tibetlik Dalay Lama Tibetni wetinimizdin musteqil qiptimish, Sherqiy Türkistanliq musulmanlarmu bizge jihat élan qilip azatliq armiyimiz bilen urushuptimish, azatliq armiyimiz nahiyiti pajielik meghlup boptimish, Mong’ghuliyemu ichki mong’ghuldiki bölgünchi tughqanliri bilen til biriktürüp bizge qarshi urush qiptimish, azatliq armiyimiz hemmila yerde meghlup bolupla yürüptimish. Amerikimu, Yaponiyemu, Teywenmu, Hindistanmu ulargha yardem qiptimish. Biz ishen’gen Rus éyiqlirimu wapasizliq qilip jimla turghidekmish. Bek qorqunushluq chüsh körüptimen. Lenin we Maozedong atimizning rohi meni qutqazghay. Jiangzemin chüshini Xujingtaogha eytip berip bolup sözini dawam qiptu:

Az sanliq milletlerni qandaq qilsaq tezrek pütünley yoqitiwételermiz? Oylinip baqqin. Shiaoxu.Jiangzemin sözini dawam qilip:

"Mening ailemghu Siwitsariyening bankisigha qoyghan pul bilen bir mezgil yashiyalishi mumkin, partiyemiz bilen hakimiyitimiz qandaq bolarkin bilmidim, ensirepla turimen. Weten satquch eksil inqilapchi Falun’gongchilarmu bizni dekke-dükkige sélip partiyimiz necheche on yildin béri élip bargha mexpiy heriketlerning matiriyalliri we pakitlirini sun’i hemra televiziye qanili we internet digen ejnebilerning qorqunushluq wastisi bilen dunyagha ashkarilap bizni weswesige salmaqta. Qandaq qilsaq bolar? Mening mushu peti ölgüm yoq. Yeqindin beri yaman chüshla körüp peqet aramida uxliyalmaywatimen. Xitayche alahide dora (zhongyao)ni, tirik maymunning mengisini we heliqi dorilarni yep baqqan bolsammu hech payda qilidighandek emes."

Kompartiye we Xitay qachan halak bolidu?

Jiangzemin bilen Hujingtao xitay komunistik partiyisi we xitay millitining kelichigi heqqide xupiyane söhbitini dawam qiptu:

Jiang Zemin:

Xitay térrorchilar gorohining kattibashliri-Jiangzemin bilen Xujintao
Süyiqest, aldamchiliq, kazzapliq, terrorluq, tajawuzchiliq, bulang-talang bilen tolghan Xitay Kompartiyisining kattibashliriJiangzemin we Xujingtaoning xupiyane söhbitidin bir körünüsh.

-- Men ölgiche kompartiyimiz hayat tursa bolatti. Dölet ichidiki xitay eksiyetchiler partiye we hökümitimizge naraziliq qilip qayta-qayta topilang kötermekte, 2005-yil ichide xitay dehqanlar 90 qétim partiyige we hökümetke qarshi topilang köterdi. Gerche ularni herbi qisim we qoralliq saqchilarni ishqa sélip basturiwetken bolsaqmu, bir qisim xewerler chet'elge ashkarilinip qalghan, uning üstige yer, öy-mülkliri tartiwélin'ghan dehqanlarning uruq-tuqqanliri bizge xalighan waqitta düshmenlik qilip öch élishi turghan gep. Ular bizni kechürmeydu. Chet'elge qéchip chiqiwalghan guylirimizmu bizge düshmenlik qilip hakimiyetni tartiwalimiz-dep qutratquluq qilip hemme yerde teshwiqat élip barmaqta. Ular téxi biz hökümranliq qiliwatqan Tibet, Shinjiang, ichki Mongghulluqlar bilen til biriktürüp ishni murekkepleshtüriwetti. Bek ensireydighan bopqaldim.

Xujingtao gep qisturup mundaq digen:

--Laojiang, cheteldiki demokratchi xitaylardin ensirep ketmeng, ular Tibet, Uyghur, Mongghullar bilen birleshme paaliyet qiliwatqanliqi rast, emma demokratik xitaylirimizmu qan qérindashqu, ular Tibet döliti, Sherqiy Türkistan jumhuriyiti, Mongghul jumhuriyitining milliy birligi digenlerni étirap qilghini yoq. Demokratchi xitaylirimiz bizdin kéyin hakimiyetni qolgha alghan teqdirdimu, yenila Tibetke, Shinjiang'gha we ichki Mongghul'gha hökümranliq qilishni dawamlashturidu, ularning musteqilliqige yol qoymaydu, demokratik xitaylirimiz unchiwala döt emes...ularmu xitay millitining milliy menpeeti üchün küresh qilidu.

Jiangzemin:

-- he, mundaq digin shiaoxu.

Emma, Shinjangdiki Sherqiy Türkistanchi unsurlar, Dalay Lama bölgünchiler gorohi, İchki Mong’ghuldiki bölgünchi küchler siyasi muqimliqqa tehdit salmaqta. Amerika bashchilighidiki gherp düshmen küchliri dölitimizni parchilap, demokratiyini omumlashturushni bahane qilip qolimizdiki mustemlike döletlerni bizdin tartiwalmaqchi bolushiwatidu. Yapon pakarlirimu yeqinqi zamanlarghiche bizge aldinip kelgen idi, emdi yapon xelqining közi echilip bizning naraziliq qilishimizgha qarimastin Koizumi bash wezir Yasukuni ibadetxanisigha ziyaretke berishni dawamlashturmaqta. Eger yapon bilen tutushup qalsaq azatliq armiyimizning adem sani we küreshchi ayrupilanimizning sani yaponlardin 50 hesse köp bolghan bilen, resmi tutushqan chaghda bolsa azatliq armiye jengchilirimiz asasen sawatsiz, iradisiz bolup, nime üchün urush qiliwatqanliqinimu obdan bilmeydu, urushta meghlup bolushi turghan gep. Yaponiyening küreshchi ayrupilanliri dunyadiki eng ilghar texnika bilen yasap chiqilghan bolghachqa ikki sa’et ichide bizning asasliq herbi baza we chong sheherlirimizni palech halgha chüshürüp qoyushi mumkin. Amerika, Teywenmu bizge bek öch. Héch bolmighanda men ölgiche hakimiyitimiz öre turghan bolsa yaxshi bolatti.Falungongchi unsurlar men bashliq dölet rehberlirimizni Yawropa kishilik hoquq sot mehkimisige melum qiptu-dep anglidim. Yeqindin beri yaxshi uxliyalmaydighan bopqaldim, ukam.

Xujingtao:

-Manga köp iltipat qilip re'islikni berdingiz, shapa'itingizni hergiz unutmaymen.

Bir mezgil ensirimey ishlarni manga tapshurung. Beijing olimpik tenheriket yighinini ongushluq echiwalsaq bir mezgil yashiyalaymiz. Uning’ghimu az qaldi. Esker, saqchi, qoralliq saqchi we mexpiy saqchilarni seperwer qilip bu yighinning pilan boyiche echilishigha kapaletlik qilish üchün zözüriy xizmetlerni bashliduq, Beijing sheher ahalisige engilizche ögitishke bashlidim. Ejnebiyler kelse bizni tereqqi qiptu, hetta engilizchini hemmisi bilidiken-dep qalsun, dep.Men jezmen partiyimizge we hökümitimizge qarshi chiqqan xitaylarni, Uyghurlarni, Tibetlerni, Mongghullarni, Manjularni we Falun’gong muritlirini rehimsizlerche basturup, ichi ezalirini, organlirini xelqara bazarda sétip, bazar we jemiyetni muqum körsitip, kapitalistik döletlerni memlikitimizge meblegh sélish we yardem berish heqqide seperwer qilip, ular meblegh salsa baj elip puqralirimiz ichidiki bir qisim sadiq kishilerni ishqa orunlashturup, ailimiz, jemetimiz, yeqinlirimizgha asasliq hoquqlarni mehkem tutquzup, siyasi, herbiy, iqtisadiy, axbarat we dölet mexpiyetlikini qattiq kontirol qilip, Yawropa, Amerika, Yaponiyedin yardem elip we ularni aldap, Afriqa we ottura asiyadiki terkiwi proletariyattin bolghan 3-döletlerge birazdin dan chéchip berip ularni setiwelip BDT de biz üchün qol kötürgüzüp, ottura asiyadiki herqaysi döletlerning komunist kattibashlirining aile- tawabatigha en’enimiz boyiche para berip, Rosiye bilen til biriktürsek, Yaponiyediki solchilarni merkez qilghan xitaygha mahil küchlerni seperwer qilip birleshsek, Yaponiye we bizge aldan’ghan döletlerning teshwiqat wastilirini qolgha keltürüp aghzini etsek bir mezgil hayat qelishimizda gep yoq.

Xujingtao: -Sherqiy Türkistan musteqilchi küchliri bizge tehdit salsa qandaq qilimiz? Wanglechüenning gepige qarighanda ular musulman bolup, Tibetlerdin perlikmish. Nime parqi bar?

Jiangzemin: -Sen bilmesliging mumkin, musulmanlar bek qorqunushluq, héliqi "qurani-kérim" digen kitabida bizge oxshash tajawuz qilghanlarni qilche ikkilenmey öltürseng bolidu, ölseng shehit, jayat qalsang ghazi bolisen, tajawuzchigha qarshi jeng qilghanlargha jennet ata qilimen"- digen Allahsining wedisi barmish. Bu bek qorqunushluq iken. Shunga Shinjiangliqlarni imansizlashturup, atizim terbiyisini kücheytip, xitayche maaripni mejburi téngip, cheteldiki Uyghur teshkilatlirini jim turup bérishke qiziqturup, ularni naxsha-usul, kawap, demokratiye, demokratik saylam, insan heqliri digen nomurlargha qiziqturup, BDT diki imtiyazimizdin yéterlik paydilinip, ularni yene 20 yil koldurlitalisaq, yurt ichide qarshi turghanlarni qolgha élip öltürüp göshini bingtüendiki eskerlirimizge her yili chaghan bayrimida yigüziwetsek, gherbiy diyargha bolghan hökümranliqimizni biraz uzartalishimiz mumkin. Emma ularning ichidiki diniy, milliy, eneniwi terbiye körgenlirini birer dölet yaki küchlükrek teshkilat qollap qalsa köridighan künimiz bar. Ular azatliq urushini bashlidimu, Shinjiangdin ayrilip qalduq, digen gep. Tibet, Mongghul, Teywen, Falungongchi...hemme tereptin hujumgha uchrap, chak-chékimizdin ajrap kétimiz, hazir bizni qollawatqan döletlerning birmunchisi u chaghda ular terepke ötishidu. Sépil ichige barliq tughqanlirimiz qaytip kélishke mejbur bolidu...jahan digen özgirip turidu, daim bizning hoshuqimiz alcha chüshiwermeydu ukam, seddichin sépilini untup qalma, ejdatlirimiz bikardin salmighan.


2009-yili 12-Awghust, Charshenbe
Qaraxan
Bu uchur 1614 qétim oquldi.

Sherqiy Türkistan Jumhuriyiti Sürgündiki Hökümiti©2004-2015

XHTML 1.0 Strict xelqara ölchimige uyghun. CSS xelqara ölchimige uyghun.