Maqalilar

Xitay Fashistlar Türmide Uyghurlarni Qandaq Usulda Qiynap Öltüridu?

Xitay komunist tajawuzchiliri Uyghur, Qazaq, Qirghiz, Özbek, Tatarlardin bolup yérim milyondin artuq munewwer oghlanimizni türmide qiynap öltüriwetti we étip öltürdi. Bundaq irqiy qirghinchiliqni hazirmu dawamlashturiwatidu.

Türmide qiynash
Türmidiki xitay jallatlar qiynap öltürülgen bir siyasi mehbus.

Biz ilgiri éytip ötkinimizdek xitay komunistliri xalighanche adem tutidu, xitay tajawuzchilar wetinimizge kelgen oghri, bulangchi we qatil bolghachqa, Wanglechüendin bashlap wetinimizdiki qaysi bir xitay emeldar chüshide oghurluq, bulangchiliq we qatilliq jinayiti tüpeylidin “tutulup qélip” chüsh körüpla qalsa, etisi Sherqiy Türkistandiki xitay kattibashlarni yighip siyasiy yighin achidu-de, chüshide özini tutuwalghan Uyghur yaki oxshap kétidighan Uyghurlarning hemmisini qara-qoyuq qolgha élip qattiq qiynashlardin ötküzüp, mal-mülkini musadire qilip, oghri-bulangchi xitaylargha qarshi heriket küresh qilish niyitining bar-yoqlughini éniqlap chiqishqa urunidu. Xitaylar türmidiki Uyghur mehbuslarning “jinayiti” ni éniqlash emes, jinayetni “aldin békitip”, jaza höküm qilip bolup andin qiynaydu, hetta aldin békitilgen “jinayet iqrarnamesi” ge qiynashtin kéyin normal tepekkur qilalmaydighan Uyghurning barmaqlirini suruqqa tekküzüp “imza qoyghuzuwalidu”.

Bu xitayning Sherqiy Türkistanda izchil jinayet ötküziwatqanliqini, Allahning jazasigha uchrashtin burun Sherqiy Türkistan jumhuriyitining qanuni boyiche, Sherqiy Türkistan xelqi teripidin we xelqara sot teripidin yéqin kelgüside hésap beridighanliqining bishariti bolup, saxta imza, saxta arxiplarni turghuzup, köz boyamchiliqqa tolghan sot yighinlirini ghojakördi qilip échiship özlirini goya “qanun tüzüm döliti” dek körsitishke urunishidu, ademning hö qilghusini keltürüshüp.

Xitay emeldarlar axsham mestlikide körgen chüshige köre Uyghurlarni kollektip qolgha alghuzup awal yéqin etraptiki türme we waqitliq tutup turush orunlirigha qamaydu, ularmu yetishmigechke saqchi idarisining yighin zaligha, qaznaqlirigha we bezi idare-jemiyetning ishxana-zallirigha Uyghur puqralarni solap nöwet bilen qiynashqa bashlaydu.

1997-yili 5-Fewral küni axshamda 400 din artuq yash Uyghur qiz-yigitni Ghuljidiki saqchi idarisining chong zaligha kolléktip qamap, ularning birmunchisini qip-yalingach qilip nöldin töwen 30 giradus soghuq zalda tömür kaltek, tok kaltigi, miltiqning paynigi bilen qattiq urup, jallat saqcilar nöwet bilen uruwerip maghduri qalmighandin kéyin ularning üstige kali xilor(KCl) luq soghuq su sepip tonglitip öltüriwetken.

Barindin, Axtudin, Ghuljidin, Altaydin, Chöchektin, Manastin,Ürümchidin, Turpandin, Qumuldin, Korlidin, Kuchadin, Aqsudin, Uchturpandin, Shayardin, Awattin, Maralbeshidin, Peyziwattin, Mekittin, Yekendin, Yengisardin, Yengisheherdin, Xotendin, Keriyedin, Chériyedin, Loptin, Qaraqashtin, Gumidin, Qaghiliqtin, Poskamdin, Atushtin we xitayning Beijing, Shangxey, Guangzhou, Lenzhou qatarliq sheherliridin tutup ketken Uyghurlarni türmilerde chet'ellikler tesewwurmu qilalmaydighan, biz dep bersek “Resimini we sin'alghu (video) filimini élip kel, axbaratning chinliqigha ehmiyet bermisek bolmaydu”-dep oyun körgendek mentiqsiz telep qoyup turuwalidighan weh'shi usullar bilen qiynap öltürüp keldi.

Chet'ellikler ‘éshek ölüwatsa qongi ghéjek tartiptu’ digendek özliri pasporti, puli we qoghdaydighan döliti turup xitayning bashqurush da'irisidiki chegridin kirip bu weh'shilikni tekshürüshke jür'et qilish uyaqta tursun, qatmu-qat zulum we tehdit astiidiki Uyghurlardin bu “pakitlar” ni telep qilishqa urunishidu-téxi! Özliri bu pakitlarni toplash üchün Sherqiy Türkistan’gha qet’i niyetke kélip bérip baqmidi. Uyghurlarni, Tibetlerni, Mong'hullarni türkümlep tutqun qilip türmilerde tok kaltigi bilen bedininig eng sezgür yerlirini esheddiy ghidiqlash, köydürüsh, qizitilghan zixni yéqish, ewretlirige we süydük yollirigha polat sim tiqish, qizitilghan tömür taxtini yalingach bedinige yeqip daghlash, bedenning xalighan yerige pichaq tiqish, yalingachlap putini asman'gha qilip ésip qoyup qoyuq tuz süyi sépip azaplash, eng achchiq much (laza) ni bedinige sürtüp qiynash, qolini keynige tetür qayrip aghritip turup baghlash, tom kaltek bilen qattiq urup aylanduruwetish, nérwa séstimisini buzidighan zeherlik dorilarni yimikige arilashturup mejburi yigüzüsh, narkoz dorisi bilen wujudini we mengisini mest qilip delte, sarang qilip qoyup hozurlinish, putini yaki qolini nöldin töwen 30 giradus soghuq tempiraturida muzlutup andin qaynaq su bilen tez issitip kaltek bilen urup üziwétish, tirik turghuzup qoyup put-qolini chaniwetish, apsharkinisi bir nechche kün ach qoyup Uyghur mehbusni baghlap qoyup apsharkigha tirikla turghuzup yigüzüp hozurlinish, bashqilarni qorqutup qilmighan 'jinayetliri' ge iqrar qildurush, tehdit sélish, aldash, türmidin gacha yaki sarang qilip andin chiqiriwétish qatarliq türlük weh'shilikler bilen 1950-yildin 2000-yilghiche 500 mingdin artuq Uyghur,Qazaq, Qirghiz, Özbek, Tatar qatarliq Türkiy xelqni türmilerde qiynap öltüriwetti.

Türmidin hayat chiqqan Uyghur yashlarning köpinchisi mejruh, sarang halda chiqti, saq chiqqanlirining beziliri bolsa qattiq qiynashlar tüpeylidin rohi we jismani tengpungluqi buzuwetilip perzent körüsh iqtidaridin mehrum qiliwétildi.

Bu san 20-esirde Sherqiy Türkistanning azatliq urushida shéhit bolghan eskerler sanidin nechcche hesse köp bolup, bu xitay bergen 'aptonomiye' hoquqi “sayisida” (put-qolini baghlap qoyup, muqimliqni saqlap turup, ténch, chong yaxshi weziyette) élip bérilghan qirghinchiliq bolup hésaplinidu. Undaqta aptonom rayon dewride ün-tünsiz ölgen yaxshimiken yaki tajawuzchigha urush élan qilip, janni tikip küresh qilip shéhit bolghan tüzükmiken? Buni hésaplap körüsh- her bir Sherqiy Türkistanliqning wijdani we imaniy burchi.

2006-yili 5-ay.


2009-yili 12-Awghust, Charshenbe
Qaraxan
Bu uchur 2224 qétim oquldi.

Sherqiy Türkistan Jumhuriyiti Sürgündiki Hökümiti©2004-2015

XHTML 1.0 Strict xelqara ölchimige uyghun. CSS xelqara ölchimige uyghun.