Maqalilar

BDT we Dunyadiki Döletler Nimishqa Bizge Yardem Bermeydu?

Biz nimige muhtaj? Dunyada qolgha keltürüsh eng qiyin bolghan nersini telep qiliwatamduq? Biz kimning arpisini xam oruptuq?

BDT(UN) Binasi

Biz 56 yildin béri BDT bashliq herqaysi döletlerge öz derdimizni, yeni ottura asiyada xitayning gherbi shimal xoshnisi bolghan, Tengri taghlirining shimal we jenubigha jaylashqan Sherqiy Türkistan dep atilidighan tupraqning az digende sekkiz ming yildin béri bizning ikenligini, xitaylarning bu tupraqlargha, yeni bizning yurtimizgha bésip kirip, aldamchiliq, bulangchiliq, oghurliq, ziyankeshlik, terrorluq, qirghinchiliq qiliwatqanliqini, unimu az dep öy igisi bolghan bizni öz öyimizde tutqun qilip öltürüp, chet'ellerde bolsa qarilap, "Sherqiy Türkistanliqlar tughma bölgünchi, tughma terrorchi' dep qara chaplap kelgenlikini, siyasi, iqtisadi, medeniyet, herbi ishlar, deplomatiye jehetlerde Sherqiy Türkistan xelqige qatmu-qat zulum qilip kelgenlikini éytip kelduq.

Bizning chet'elge qéchip chiqip paaliyet qiliwatqan muhajirlirimiz we ular qurghan teshkilatlirimiz BDT gha dunyadiki bir qisim dölet hökümetlirige, ammiwi teshkilatlargha bu pakitlarni 56 yildin beri üni pütüp qalghuche sözlep, yalwurup kelgen bolsimu, birer dölet yaki teshkilat chiqip bizning derdimizni téximu köp kishilerge teshwiq qiliship berish, bizning teshwiqatimiz üchün kérek bolidighan gézit, jornal, kitap, radio, televiziye istansisi qurushimizgha yardem bermigenning sirtida, ruxsetmu bermey keldi. Teshwiqat wastilirini échish heqqide pilan tüzgenlikimizni xitay tajawuızchilar anglapla qalsa, derhal deplomatik terrorluqni ishqa sélip, shu dölet we munasiwetlik organlargha tehdit sélish, bésim ishlitish, échiq béshidikilerge, emeldarlargha para bérish, xitaygha sayahetke teklip qilip dellalliq qilish, sowgha-samal teqdim qilip aghzini étish, sétiwélish qatarliq iplas, peskesh wastilarni ishqa sélip buzghunchiliq qilip keldi.

Xitay térrorchilarning zulmida éziliwatqan aq köngül xelqimiz chet'ellerdiki erkin insanlardin, erkin, demokratik döletlerdin, Türkiy qérindashlardin, İslam döletliridin we musulmanlardin yardem kütüp baqti. Ming epsuski yuqurida tilgha elin'ghan BDT we döletlerdin héch sada chiqmidi. Eksiche musulmanlar nopusi eng köp bolghan Erep döletliri, Pakistan we ottura Asiyadiki Qazaq, Qirghiz, Özbek qerindashlirimiz yardem qilish u yaqta tursun, xitaygha qarshi turghan we qarshi turush ehtimali bolghan Uyghur yigitlerni xitay komunist hökümitige tutup bérip "xizmet körsetti". Sherqiy Türkistanliq Uyghur Türk musulmanlirining eziz jéni we hayati bedilige Xitaydin haram para we menpe'et élip, Türklik we musulmanliq izzet-ekramlirini yer bilen yeksan qiliship Türk millitige we İslam dinigha haqaret qilishti, haram para we menpeet üchün insaniy wijdanini, Uyghur Türklirini we Sherqiy Türkistanning tüp menpeetlirini sétip xejleshti.

Öy-zimin dawasini qilsaq, yeni Sherqiy Türkistanning musteqillighi, xelqining erkinliki, bext-saaditini heqiqi türde emelge ashurush ghayimizni we bu eqelliy telipimizni otturigha qoysaq Gherip ellirining könglige kélermish, ulargha musteqilliq we tupraq dawasi heqqide éghiz achmay "Xitaylar Sherqiy Türkistan'gha xalighanche kéliwersun, tajawuzchiliq, bulangchiliq, qirghinchiliqini qiliwersun, xitaylar 'aptonom rayonluq hökümiti arqiliq bizge peqet azraq erkinlik bersun, Sherqiy Türkistan xelqini böshügide we ana qarnida öltürüshni azaytip, insan heqliri, sözlesh heqliri hemde demokratiyeni biraz yolgha qoyushigha heydekchilik qilip bersenglar", digen telepnila qobul qilarmish. Xitay BDT ning daimi ezasi bolup, ashu ghelite "xelqara qanun" larni tüzüsh we ijra qilishta ajayip küshke we imtiyazgha ige bolsa kérek! Wetinimni xitaylar tajawuz qilip bésiwaldi, bu jinayetchini BDT birdek jazalap bersun, digendek heqqaniy telepni otturigha qoyushmu "qanun'gha uyghun emesmish"!

Gherp dunyasini we BDT ezasi bolghan xitayni xosh qilish, ularning chishigha tégip qoymasliq, düshmenlik qilishidin saqlinish üchün 'erkinliq we demokratiye' din bashqa héchqandaq adaletke munasiwetlik, ziddiyetni tüptin hel qilish heqqide gep qilmasliqqa bizning teshkilatlirimiz we ziyalilirimizmu "könüp qalghan"dek we "mejbur bolghan" dek turidu.

Xéli köp sandiki muhajirlirimiz gherp dunyasida chiqidighan gézit-jornallarni köp oqup weten étiqadi we diniy étiqadidimu bezi özgirishler tughulghandek qilidu, ulardin beziliri "'Amerikining ottura sherq istiratigiyisi ottura basquchqa kirgende", "Giloballashqan iqtisad tereqqi qilip döletlerning chegriliri emeldin qalghanda", "Yer asti we zimindiki bayliqlardin xitaylarni öz ichige alghan pütün dunya ortaq paydilinidighan weziyet piship yétilgende" Sherqiy Türkistan xelqighe erkinlik, aptonom rayon'gha demokratiye omumlishidu, deydighan epsanilerni xuddi rastinla shundaq bolidighandek hayajanlinip turup nutuqlirida tilgha élishidiken, Sherqiy Türkistanning teqdiri bilen qilche munasiwiti bolmighan riwayetlerge xuddi hediske ishen'gendek ishinidiken.

Biz peqet öz öyimizde azade, pakiz yashashni, bizge hidi, étiqadi, medeniyiti, niyetliri, irqiy signalliri, insaniy exlaqi tüptin oxshimaydighan chaqirilmighan méhmanning öz yurtlirigha, yeni ata-bowiliri 2 ming yil serp qilip alahide yoghan qilip sizip qoyghan seddichin sépilining ichidiki yurtlirigha qaytip ketishinila telep qilimiz. Eger yüzlirini éshekning térisidek qélin qilip yurtimizdin chiqip ketmise Sherqiy Türkistan jumhuriyitining asasi qanuni boyiche, BDT we dunyadiki heqqaniyetni himaye qilidighan barliq dölet we insanlarning yardimini qolgha keltürüp u tajawuzchi, bulangchi, qatillarni qoghlap chiqiriwetmey bashqa amalimiz yoq. Bu yürek sözimizni pütün dunya we jimi insanlar bilsun.

Bizmu bashqa insanlargha oxshash öz yurtlirimizda erkin-azade, pakiz yashashqa muhtaj we heqliqmiz. Shunga jimi normal insanlardin yardem telep qilish hoquqimiz bar. Eger yardem bermise ularnimu xitaylar yéqin kelgüside müshük balisini yigendek yaki qorup, kawap qilip yaki shorpa sélip yiyishke bashlaydu. Ach közlük, aldamchiliq, yalghanchiliq, tajawuzchiliq, oghurluq, terrorluq, parixorluq, xiyanetchiliq, dinsizliq, buzuqchiliq, qatilliq, peskeshlik we bashqa yirginishlik "xitay medeniyiti" pütün dunyagha yamrap kétidu!

BDT-UN Binasi aldi-ular kim üchün birleshkendu?

BDT eslide normal insanlardin teshkil tapqan, mukemmel bolmisimu adaletni teshebbus qilidighan bir xelqara teshkilat bolushi kérek idi. Ming epsuski (BDT daimi ezaliri terkiwide birer Türkiy millet yaki islam döliti bolmighanning sirtida), xitay terrorchiliri 1972-yili BDT gha soqunup kiriwélip köz boyamchiliq we süyiqest-hilemikir bilen da'imi ezaliq salahiyitini changgiligha kirgüziwalghan, uni az dep Sherqiy Türkistan jumhuriyitini xitay komunist terrorchilar guruhigha ikki qollap ötküzüp bérish bedilige Sherqiy asiyada 450 milyon xitayni qip-qizil komunistlardin qilmaqchi bolghan Rusiyemu BDT ning da'imi ezasi bolup, yérim esirdin köprek waqittin buyan Sherqiy Türkistan jumhuriyitining eslige keltürülishige jénining bériche düshmenlik qilip kelmekte, izchil türde bu heqqaniy dawayimizni kömüwétishke urunup keldi.

Özlirini "démokratik dölet qatarigha öttuq",-dep hésaplawatqan medeniyetlik Rusiye 21-esirge qedem qoyghandin kéyinmu insap qilmay ach köz, medeniyetsiz, qara niyet xitay tajawuzchiliri bilen éghiz-burun yaliship xitayning Sherqiy Türkistan xelqini qanliq basturishigha küchlük deplomatik destekchi bolmaqta. Ruslar- uzaq esirlerdin béri exlaq, din, insanliy xislet jehette xitay bilen sélishturghili bolmaydighan derijide medeniyetlik millet. Sherqiy Türkistan xelqi Rus milliti we Rusiye hökümitining emdi insap qilishini ümid qilidu.

Sherqiy Türkistan xelqi héchkimning arpisini xam orghini yoq!

2007-yili 1-ayning 19-küni


2009-yili 12-Awghust, Charshenbe
Qaraxan
Bu uchur 1817 qétim oquldi.

Sherqiy Türkistan Jumhuriyiti Sürgündiki Hökümiti©2004-2015

XHTML 1.0 Strict xelqara ölchimige uyghun. CSS xelqara ölchimige uyghun.