Maqalilar

Xitayning Tajawuzchiliq, Bulangchiliq we Qanliq Basturushni Arqa Körünüsh Qilghan Iqtisadi Tereqqiyati we Puqralarning Heqiqi Ehwali

Bundin burunmu tekitlep ötkinimizdek xitay tajawuzchilar, meyli ular 19-esirning axirida bolsun, 20-esirning béshidiki Jungxua min'guo dewride bolsun, 1949-yil axiridiki komunist niqabini taqiwalghan chaghlirida bolsun, Sherqiy Türkistan tupraqlirigha iplas ayaq bésip, qorsiqi toymasta ajayip bichare we aqköngül qiyapetke kirip turup musulman, Türk, aqköngül bolushtek insaniy exlaqidin yaman niyette paydilinip, andin öz mahiyitini tedriji ashkarilash, qarshi turghuchilarni türlük töhmet we jinayetlerni artip qanliq basturush, mal-mülkini musadire qilish, normal tepekkur qilidighan, xitayning bundaq jinayetlirige yol qoymighan Sherqiy Türkistanliq puqralarni düshmen körsitip qolgha élip uzun yil qamash, qiynap öltüriwétish, ölümge höküm qilip étip öltürüsh, yurtlirimizdiki seddichin ichige élip kétish imkaniyiti bolghan pütkül pulgha yaraydighan bayliq we mülüklerni at-töge, at harwusi, yük aptomobili, aptuwuz, poyiz, ayrupilan, yer asti we yer üsti turba yoli qatarliq shu zamandiki eng ilghar qatnash qorali bilen toshup élip ketishni dawamlashturdi.

Xİtay tajawuzchi, bulangchi, qatil, terrorchi, fashistlar guruhi Sherqiy Türkistan tupraqliridin tebi'i bayliqlirimizni zomigerlik we terrorluq wastisi bilen bulap ketkendin bashqa xelqimizni bikargha hashar- medikarliqqa tutup, yilda nechche ay xuddi jinayetchilerni ishletkendek éghir jismani emgekke sélip, qénini shorimaqta, qul qilmaqta. Xelqimiz meyli ishchi- xizmetchi bolsun, meyli dehqan bolsun, meyli tijaretchi bolsun, herqandighining emgek miwisini shülüp yanchuqlirini toldurmaqta.

Sherqiy Türkistan xelqige mushundaq éghir zulum we xorluq élip kelgen xitay tajawuzchilar, özlirining jinayetlirini yoshurush, qanunluq qilip körsitish bilenla qana'et qilishtin halqip ötüp yéqinqi bir nechche yilda "Sherqiy Türkistan", "Sherqiy Türkistanliq" digen dölet we millet namini "terrorchi" digen kishiler nepret qilidighan süpet ornida teshwiq qilip, "Sherqiy Türkistan musteqilliq kürishi"- digen heqqani, anti terrorluq kürishini "terrorluq heriket"-dep teshwiq qilish arqiliq, 1050-yildin hazirghiche Sherqiy Türkistan tupraqlirida Uyghur, Qazaq, Qirghiz, Özbek, Tatar, Tajik bolup 10 milyondin artuq xelqimizni qirip tügitiwetkini yetmey, xelqara jemi'ettin "Sherqiy Türkistan xelqini omumiyüzlük qirip tügitiwétish" üchün yardem we destek telep qilmaqta! Xitayni siyasi, herbi, iqtisadi, deplomatiye jehetlerde körenglitiwatqan nersening arqisida Sherqiy Türkistandin bulap élip ketken (xitay atom bombisi yasighan)Uran, nefit, Shangxeygiche turbida her küni kéche-kündüz éqip kétiwatqan tebi'i gaz, yükining éghirliqidin injiqlap seddichin ichige bapkarning mokisidek tinim tapmay chépiwatqan poyizlarda toshup ketiwatqan kömür, renglik we qara métallar, metalloid bayliqlar, qash téshi, granit, mermer tash, herxil tuz, paxta, danliq zira'et, yaghliq dan, yaghach matiriyali, méwe-chiwe, köktat, herxil xam sanaet eshyasi qatarliqlarni qoshup hésaplisaq xitayning bizge qanchilik mal we jan qerzige boghulup ketkenlikini éniq körüwalalaymiz. Xitay tajawuzchi, bulangchi we terrorchilar döliti öz milliy nopusining köplügi, xitay xelqining namratliq yükini Sherqiy Türkistan xelqige qoralliq téngip, bayliqlirimizni bulash, toshup kétish, uning'ghimu qana'et qilmay ottura tüzlenglik(seddichin sépilining ichi)tin poyiz, ayrupilan we bashqa qatnash wastiliri bilen milyonlap xitay tajawuzchisini yötkep élip chiqip Sherqiy Türkistan'gha makanlashturghandin tashqiri, Qazaqistan, Qirghizistan, Özbekistan, Türkmenistan qatarliq pütkül Türkistan tupraqlirigha siyasiy, herbiy, iqtisadiy, medeniyet jehetlerdin singip kirish, pütkül Türkistan'gha herbi kéngeymichilik qilish üchün jiddiy tutush qilmaqta we Türkistan xelqining mewjutliqi, hayat-mamatigha éghir tehdit salmaqta!

Türkistandin bulap ketken bayliqlarni teqsim qilish jehette, xitay terrorchilar goruhining hazirqi asasliq teshkilati bolghan kompartiye kattibashliri, ularning aile tawabati we yéqinliri, para bergenler, dellallar we u emeldarlarning yurtdashliri noqtiliq behriman qilinidighan bolup, bizdin alghan "olja" we bashqa yerlerdin herxil yollar bilen changgiligha kirgüziwalghan "olja" we baj-kirimlerni yuqurida tilgha élin'ghan terrorchilar igelliwélip, dehqan xitaylar, ushshaq tijaretchi we ishsiz xitaylar, terrorchi hakimiyetke qarshi turghan we komunist terrorchi xitaylarni yaqturmaydighan xitaylar namratliqqa gumran qilin'ghan, hetta qolgha élinip türmilerde éghir jazagha tartilmaqta. Falungong(Xitayche söz bolup, u qanun-exlaq gumpisi, digen menide) chüshenchige ishinidighan xitaylarning sani XKP eza sanidin éship 100 milyon'gha yetkenligini bilip qalghan terrorchi hökümet bir nechche yildin béri esebilerche Falungongchi xitaylarni,(hetta Falun'gongchi chetlliklerni) türkümlep qolgha élish we basturush, türmilerde ichki ezalirini késip élip sétip xejleshke bashlidi. Emma chet'ellerge qéchip chiqiwalghan Falun'gongchi xitaylar XKP terrorchilar hakimiyitining terrorluq jinayetlirini pash qilish we dunya jamaiti aldida reswa qilishta muhim rol oynimaqta.

Qan sétish üchün öchret saqlawatqan xitay puqralar
Yuquridiki resimde körginingizdek sépil ichidiki nurghun xitay dehqanlar,
sheherlerde olturaqlashqan ishsiz xitaylar jan béqishqa amalsiz qélip
qénini sétip hayat qélishqa mejbur bolmaqta.
(wiwiskidiki xitayche xet-qan béridighanlar ikkinchi qewetke chiqinglar,-digen gep)

Xitay dunya miqyasida özlirining islahat-échiwetish siyasitining 'parlaq nuri' astida istisadining téz sür'ette rawajliniwatqanliqi, xelq turmushining intayin yaxshilinip ketkenligini namayish qilip, ottura asiyadiki yéngidin musteqil bolghan Türkiy jumhuriyetlerni, afriqidiki iqtisadi ajiz döletlerni, Erep döletlirini, Türkiyeni aldap ishendürgenning sirtida Amerikidiki, Kanadadiki we yawropadiki nurghun döletlerni aldap ishendürürdi. Xitay kompartiyisi dunyada teshwiq qiliwatqan 'tereqqiyat'--peqet dengiz boyidiki az bir qisim sheherlerning aldi körünüshi bolup, xitay nopusining 80% ini teshkil qilidighan xitay dehqanlar ayda bir kilogram tong'guz göshi yaki taap élip yiyishke qadir bolalmay ach-yalingach bolup, Sanshia boghizidikidek yerliri, öyliri xitay komunist terrorchilar hakimiyiti teripidin tartiwelin'ghan halette yashawatqan milyonlighan xitay bu noqtini ispatlap turuptu.

Aldinqi maqalida tilgha alghinimizdek, xitay déhqanlar peqet 2005- yil ichide 84 ming qétim komunist-terrorchilar hökümitige qarshi isyan kötürgen. U isyanlar qanliq basturuwétilgen bolsimu xitayning bir milyart nopusi yenila namrat halette ingrimaqta.

Sherqiy Türkistan'gha, Tibetke, Jenubi Mong'ghulistan'gha tajawuz qilip kirip, u ziminlarni bedelsiz igelliwelip, tupraq, tebi'i bayliqlarni we xelqning mal-mülkini bulap, xelqning qénini shorap, közlirige qara köz eynek taqap, boynigha gilastuk taqap ghadiyip yürgen tajawuzchilarni körüpla sizmu xitaylar bek tereqqi qilip ketiptu,-dep qalmang.Eger ularni tereqqi qilip ketti, diyishke toghra kelse, xelqimizni qolgha élish téxnikisi, bigunah xelqimizni qanliq basturush téxnikisi, türmilerde qiynash we pajielik öltürüsh texnikisi, yer-zimin we bayliq igilirige ziyankeshlik qilish texnikisi we hilemikirliri, aldamchiliq, saxtipezlik, qoymichiliq téxnikisi tereqqi qildi diyishke bolidu!

Eger xitay döliti dunyadiki herqandaq bir dölet bilen resmi urushup qalidighan bolsa, bir nechche heptidila Beijing hökümiti mustemlike we terrorluq hökümranliq astidiki himalaya taghliri étigidiki Tibetlerdin, Tengritaghliri, Qaraqurum taghliri, Qurum taghliri etigige jaylashqan yeza-qishlaqlardiki Türk ottura-bashlan'ghuch mektep oqughuchilirighiche i'ane toplash buyruqi élan qilidu, Mong'ghul dalasidiki ot-chöplerni orup apirip eskerlirige qaynitip bérip arqa sepni kapaletlendürüsh üchün pay-pétek bolidu. Undaq künler kelgende Teklimakandin Shangxeyge tutishidighan turba léniyelirining nechche yerdin üzüp tashlinidighanliqini hazirche tesewwur qilmayla turayli. Xitayning öz xelqige we yat milletlerge qandaq éghir zulum qilghanliqini shu chaghda körisiz.

Bu wehime, qatilliq, buzuqchiliq, xiyanet we jinayet yamrap ketken ghelite döletning ichki ehwalini obdan bilmeydighan Amerika, Yawropa döletliri, ottura sherq we Afriqidiki Erep döletliri hetta Türkiyemu xitayning rastinla tereqqi qilghanliqigha ishinip muamile qilmaqta we hemmila yerde 'xitayning könglini ayap' nurghun milliy menpeetliridin waz kechmekte, Sherqiy Türkistandiki musulman Türkiy xelqning ahu-zarini neziridin saqit qilmaqta yaki körmeske salmaqta.

2007-yili 1-ayning 20-küni

(Hijriye 1428-yili Muherrem éyining 1-küni, Yéngi Yil)

Pütün Dunyadiki Musulman Qérindashlarning Yéngi Yiligha Mubarek Bolsun!


2009-yili 12-Awghust, Charshenbe
Qaraxan
Bu uchur 1470 qétim oquldi.

Sherqiy Türkistan Jumhuriyiti Sürgündiki Hökümiti©2004-2015

XHTML 1.0 Strict xelqara ölchimige uyghun. CSS xelqara ölchimige uyghun.