Maqalilar

Sherqiy Türkistandiki Xitay Türmiliri we Bizning Déplomatiye Pirinsipimiz

Xitay Tajawuzchiliri Sherqiy Türkistanda "Shinjiang Uyghur aptonom rayonluq 1-türme", 2-türme, 3-türme, 4-türme...herqaysi wilayetlerdiki jama'et xewpsizlik idarisi türmisi, 90 gha yéqin nahiye(sheher)lerdiki türmiler, xitay tajawuzchi armiyisining "herbi rayon türmisi", qoralliq qisimlirining türmiliri, qoralliq saqchilirining türmiliri, dölet bixeterlik nazariti türmiliri, her qaysi wilayet we sheherlerdiki dölet bixeterlik idarisi türmiliri, ish-qur polkliri(bingtüen) ning herqaysi wilayetlerge tesis qilin'ghan türmiliri, yighiwelish orunliri(waqitliq türme), emgek bilen özgertish, emgek bilen terbiyilesh türmiliri qatarliq herxil isimlar qoyulghan türmilerde Sherqiy Türkistandiki wetenperwer, munewwer oghul-qizlarni wehshi usullar bilen qiynap we terrorluq, fashistik usullar bilen pajielik öltürüp keldi.

XÄ°tay türmiside qiynalghan beden

Yuquridiki resimde türmide qiynashtin ötküzülgen siyasi mehbuslarning bedinidin örnekler körsitilgen. Yuquridiki resimde körsitilgendek qerindashlirimizni qiynighan tajawuzchi xitaylarning kattibeshi 2006-yili 4-ayda Xujingtao Amerika we dunya xelqining közini boyash üchün Washin'gton'gha bérip Aqsaray aldida nutuq sözlimekchi bolghanliqidin xewer tapqan Sherqiy Türkistanliq köchmenlerdin qanchisi Aqsaraygha chiqqandu? Chiqmighanlar nime üchün chiqmighandu? Wetenni, türmidiki qerindashlarni, xitayning zulmini untup qosaq beqish bilen aldirash bopketkendimu? Yaki turmush helekchiligi bilen baralmighandimu? Eger sizmu xitay teripidin türmige tashlinip mushundaq qiynashlargha duchar bolghan bolsingiz we chekken azapliringizni sirtqi dunyagha anglitishqa amalsiz qalghan bolsingiz, ögzige chiqiwalghan qerindashliringiz zalim xitaygha qarshi naraziliq heriketlirinimu qilmisa qandaq hessiyatqa kélettingiz? Türmidin aman-esen chiqalisingiz insan qelipidin chiqqan térrorist xitaylarni qandaq qiliwetishni könglingizge pükken bolattingiz?

2007-yili 2-ayning 8-küni Ürümchidiki "dölet xewpsizlik nazariti türmisi" de mujahid Ä°smail Semed hajim qilghan-qilmighan "jinayetliri"ge qattiq qiynashlardin ötküzülüp we bihush halette "iqrar qildi" we "imza qoydi" qilip ölüm jazasigha mehkum qilinip étip tashlandi we mubarek jesidimu aran teste ailisige qayturup bérildi. Abit Obulqasimmu 1-türmide zeherlinip öltüriwétilgen idi, Abdugheni Emetmu ashu türmide, Abdugheni Muhemmetiminmu, Toxti Muzartmu, Hüseyin Jelil qarihajim, Rabiye xanimning perzentliri... ashu türmide her küni digüdek qiyin qistaqlar, azaplashlar we insan qélipidin chiqqan qiynashlar ichide hayatini dawam qilmaqta! Sherqiy Türkistan xelqining yürekliri puchilanmaqta...

Düshmening Ürümchiki 3-türmisi
"Shinjiang Uyghur Aptonom Rayonluq 3-türme" din bir körünüsh.

Jallat xitay saqchining nazariti astida jaza öylirige kirip kétiwatqan qerindashlirimiz. Namert, térrorist xitaylar bu jaza binasining témigha nime dep yézip qoyuptu kördingizmu?

Türme temigha 3 parche taxta ésilghan bolup üstidiki taxtigha: "Shinjiang Uyghur Aptonom Rayonluq 3-Türme Ä°qtisas igilirini yétishtürüsh mektibi".

Otturidiki taxtigha: "'Shinjiang Uyghur Aptonom Rayonluq 3-Türme Televiziye Ma'arip Merkizi".

Eng astidiki taxtigha: "Shinjiang Uyghur Aptonom Rayonluq 3-Türme pisxilogiyilik dawalash öyi"-dep yézilghan.

Wiwiskilarning mezmunigha qarighanda kimlerni, qandaq iqtisas igilirini yetishtüridighanliqini, televizorda qerindashlirimizgha nimilerni körsitip, nimilerni teshwiq qilip, nimiler arqiliq qandaq wehime salidighan we qorqitidighanliqini, ularning pisxilogiyisini qandaq dawalaydighanliqini bilemsiz?

Wetinimizge héchkimning ruxsitisiz tajawuz qilip chégra(shingshingshia)din kirgen xitaylarni "bigunah xitay", "bigunah amma", "adettiki amma", "xelq ishchiliri",-dep qaramsiz yaki bashqiche qaramsiz? Eshu xitaylarning Sherqiy Türkistanda yashash we bulangchiliq qilish heqqi barmidu? Ularning insan heqliri nediken? Öz yurtliridimu yaki bizning yurttimu?

Meyli Teywenlikler bolsun, meyli Amerika, Yawropa, Awistiraliye qit'eliridiki "demokratchi xitaylar" bolsun, "Falun'gongchi xitaylar" bolsun, ular Sherqiy Türkistanning ezeldin Türkning yurti ikenligini, xitaylarning tajawuz qilip yéqinqi yillarda qara niyet bilen éqip kirgenlikini, Sherqiy Türkistanning azatliqi we musteqilliqini shertsiz étirap qilmaydiken, herqandighi bizning düshminimiz yaki düshminimizning destekchisi hésaplinidu.

Bu-qaysi bir démokratik dölettiki xitay tetqiqatchi, xitay professorlarning uchisigha kastiyum-burulka kiyip közlirige köz eynek taqap "siyasi" yaki "ilmiy" munazire élip bérishi, özliri xalighan pikirlerni otturigha qoyush we talash-tartish qilish, her ikkilisining öz pikrini rast qilish hoquqi bolushqa tüptin oxshimaydighan hayat-mamatliq zor siyasi mesilidur, heq- nahet mesilisidur, qilche muresse telep qilmaydighan tajawuzchiliq bilen tajawuzchiliqqa qarshi azadliq kürishi mesilisidur. Téxi yéqinda Dunya Uyghur Qurultiyining ijra'iye re'isi we Amerika Uyghur jemiyitining bash katibi Alim Seytof "Amerika Awazi" radio-televizor shirkitining xitayche bölümide demokratchi hetta "biterep" kastiyumi kiyiwalghan xitay riyasetchi we "mutexesis" ning qorshap hujum qilishigha uchridi. Özini biterep "mutexesis" dep atiwalghan heliqi xitay ademning qorsiqini ésip Alim Séytof "Sherqiy Türkistan"-dise, bilmigen kishi boliwélip tarixni we pakitni burmilap "Shinjiang"-dep, andin Sherqiy Türkistan jumhuriyitini bolsa Teywen'ge qéchip ketken guomindang dep atalghan xitaylarning hakimiyiti we tupriqi ikenligi, "Sherqiy Türkistan digen ezeldin mewjut bolup baqmighan bir atalghu" ikenligini televizor körgüchilerge bildürüsh üchün pay-pétek boldi we Amerika awazi radio-televiziyisi (VOA) ning sun'i hemra arqiliq tarqilidighan xewiride xitay millitining menpeeti üchün xizmet qolayliqidin paydilinip ustiliq bilen xizmet qiliwalghan boldi. Amerikigha bichare qiyapette bérip oqup unwan élip, VOA we Amerikining aliy mektibige ishqa orunliship, Amerikining puqraliq guwahnamisigha ériship, özini démokratchi, hetta "biterep", "bilimlik"-dep sanighan xitayning zimin igisi bolghan Uyghurdin üstün imtiyaz bilen qanchilik qara niyet we bésim qilghanliqini körüp gheziwim shundaq örlidiki, eger ashu yalghanchi qizilköz xitayni kochilarda körüpla qalsam insan heqlirining, jümlidin Sherqiy Türkistanliqlarning heqlirining qandaq bolidighanliqini we tarixta qandaq bolghanliqini güzel shekilde körsitip qoyghan bolar idim. U xitaygha "Sherqiy Türkistan", "Uyghur", "Tengritagh","Qeshqer", "Ghulja", "Chöchek"- digen Uyghurche yurt namlirini toghra teleppuz qildurup baqattim, eger toghra teleppuz qilalmisa aghzi-burnigha......polo....chish....wétken bolar idim. Andin u xitaylar rast sözleshke bashlar idi...u tarix ispatlighan ashundaq millet.

U xitaylarning yuquridiki Uyghurche nechche ming yildin béri atilip kéliwatqan isimni toghra teleppuz qilalmaydighanliqi éniq, yurtimizning mubarek namini toghra teleppuzmu qilalmay turup u yerni "méning yérim" digenlikige toyghuzup qoyattim. Bizning chet'eldiki muhajirlirimiz meyli siyasetke arilashmisun, meyli "biterep ghojam" bolsun, ashu dinsiz xitaylarchilik millet menpeeti üchün xizmet qilishni ésidin chiqirip qoymasliqini agahlandurimen. Eger undaq qilmisingiz yigen ash-néningiz haram bolidu.

Biz meyli teshkilat bolayli, meyli shexsi bolayli hemmimiz qara niyet xitay tajawuzchiliri we ularning pütün dunyagha tarqap ketken qara niyettiki tuqqanlirigha we xitayning kömichige chogh tartidighan zalim dölet yaki guruhlargha bu polattek pakitni éniq diyishimiz kérek! Bu heqiqetni qoghdash üchün öltürülsekmu jennetke kirimiz.

Eger u xitaylar Sherqiy Türkistanning ezeldin musteqil dölet ikenligini etirap qilghan shert astida biz bilen dost bolushni yaki soda qilishni, hemkarlishishni könglige pükse yaki xalisa biz ular bilen hemkarlashsaq bolidu. Herqandaq bahana bilen gepni egitip, tarixni, heqiqetni, polattek pakitni burmilashqa urunidiken ularni dost dep qarimaymiz, normal insan depmu qarimaymiz. Bizning wetinimiz xitaysiz wetendur. Démokratchi xitaylar komunistik xitaylarning nöwettiki térrorchi hakimiyitini aghzurup tashlash üchün biz bilen hemkarlishishni xalisa biz hemkarlishimiz, komunistlarning adem aldighan we adem göshi yigen aghzini qanitish we bashqilarning heqqini yigen chishilirini töküwétishtin ibaret heqqaniy antiterrorluq küreshlirige aktipliq bilen qatnishimiz. Shundaq qilsaq zulumda qalghan xitay xelqigimu yardem bergen bolimiz, bizmu Allah xalisa zulumdin qutulup azadliqni qolgha keltürgen bolimiz.

Démokratchi yaki falun'gongchi xitaylar Sherqiy Türkistanning ezeldin türk yurti ikenligi, bundin kéyinmu shundaq bolushi kérekligini semimiyiti bilen étirap qilishi kérek. Musteqilliq kürishimizni qollamdu-yoq ikkinchi mesile, qollash we yardem bu jehette öz-ara bolidu. Ulargha jakalaymizki, Sherqiy Türkistan ezeldin Türk yurti idi, hazir qara niyet tajawuzchi xitayning ishghali astida, bundin keyin biz jezmen qan kéchip küresh qilip uni azad we musteqil qilimiz, bu peqet waqit mesilisi! Mana bu bizning insan heqqimiz, mana bu bizning demokratiyimiz! Mana bu bizning heqqani küresh pirinsipimiz! Mana bu bizning deplomatiye pirinsipimiz!

2007-yili 2-ayning 12-küni


2007-yili 12-Féwral
Qaraxan
Bu uchur 3436 qétim oquldi.

Sherqiy Türkistan Jumhuriyiti Sürgündiki Hökümiti©2004-2015

XHTML 1.0 Strict xelqara ölchimige uyghun. CSS xelqara ölchimige uyghun.