Maqalilar

Xitay komunist Tajawuzchiliri we Milliy Munapiqlar

Fashist, tajawuzchi, qatil Maozeydong we milliy munapiq Seypidin Ezizi.

Dunwawi terrorist Maozedong we milliy munapiq Seypidin

Seypidin Ezizi Elixan Törem bilen körüshkendimu bundaq xoshal bolup baqmighan bolghiydi. Qelbidin iman chiqip ketken,munapiqliq qelbi we wujudini qapliwalghan adem mushundaq bolsa kérek.

Xitay kompartiyisining kattiweshi, 100 milyon insanni biwaste we wastiliq öltürgen dunyawi qatil Maozeydong 1949-yili qéri jallat Sitalin bilen til biriktürüp Sherqiy Türkistan jumhuriyitining rehberliridin Exmetjan Qasimi, Abdukerim Abbasop, Delilqan, İs'haqbek qatarliqlarni Moskuwadiki Rus komunistlirining dölet xewpsizlik komiteti (KGB) türmiside qiynap öltürgendin keyin, Rus komunistlirining ghalchisi, weten xa'ini, köngliqara ziyali Burhan Shehidini Sherqiy Türkistan jumhuriyiti hökümitini bikar qilish, xitayning shinjang ölkisini eslige keltürüp Burhan Shehidini re'is qilip östürüsh sherti bilen textke chiqarghan. Héchqandaq bedelsizla qolgha kelgen ghayet zor olja--Sherqiy Türkistan tupraqliri we uning barliq hoquqlirini Stalindin tapshurup alghan komunist Maozeydong 1955-yili dunya jama'iti we Sherqiy Türkistan xelqini aldash we türkümlerge bölüp yoqutushning tunji qedimi bolghan parqiraq ton- 'Shinjang Uyghur aptonom rayoni' ni tikip chiqip, özige sadiq bolidighanliqigha toluq ishen'gen we qorchaq emel üchün hemmini sétishqa hazir bolghan Uyghur ghalcha Seypidin Ezizini bu aptonom rayon'gha re'is qilip teyinligen. 1955-yili Uyghur we bashqa Türkiy xelqlerni "qanunluq yoqutush" üchün xitaylar siyasiy asas séliwalghan yil bolup hesaplinidu.

Maozeydong Sherqiy Türkistan tupraqlirini mehkem tutup idare qilish üchün we Seypidinning sadaqetlikini ashurush üchün özi ölgiche Sh.U.A.R ning re'isliq hoquqini Seypidin'ge beridighanliqi heqqide wede bergen. Emeliyettimu Maozeydong ölgen 1976-yil ghiche Uyghur aptonom rayonining partiye, armiye we hökümetning asasliq hoququlirini Seypidin Ezizi qolida tutup turghan. Seypidin Ezizi özige bundaq xeyr-xaliq qilghan dahi--Maozeydong'gha we xitay millitige yüz kelelmey ta ölgiche ulargha qarshi hechqandaq heriket qilmighan we qilishqa buyruq bermigen. Burhan Shehidi bilen Seypidin Ezizi Sherqiy Türkistanning satqili bolidighan nersilirini asasen setip bolghan bolup Maodeydong'gha Beijingda ton keygüzgen.

Maodeydong ölüsh aldida Seypidin toghrisida iz basarlirigha wesiyet qaldurghan bolup, Mao ölgendin keyin Seypidinni Shinjangdiki barliq hoquqliridin eliwetip Beijing'gha yötkep kelish, yengi Uyghur ghalchilarni ornigha teyinlesh, pat-pat almashturup turush, Uyghur,Qazaq, Qirghizlarni öltürüshte merkez bilen izchil maslashqanlarni dahim maxtap qoyup ishlitish, aile tawabatigha we uruq-tuqqanlirigha alahide étiwar bérish heqqide tapilighan.

Tömür Dawamet, İsmayil Ehmed, Ablet Abdureshit, Janabil, İsmayil Tiliwaldi,Hamidin Niyaz, Nur Bekri qatarliq ghalchilar Burhan Shehidi we Seypidin emelge yaraydighan mallarning hemmini setip bolghanchqa ular emdi Sherqiy Türkistandiki bayliqlarni bixeter halda xitaygha yötkep ketish, xitay nopusini tosalghusiz, "qanuniy" yosunda Sherqiy Türkistan'gha yötkep kélip makanlashturush, Sherqiy Türkistan xelqini türkümlerge bölüp öltürüp yoqutushtin ibaret müshkül wezipilerge qattiq sinaq arqiliq tallap teyinlen'gen bolup, xizmitini dawam qilmaqta we ailisi bu dunyada bext qushi qon'ghan aq söngeklerdek pochi yashimaqta. Ular axirette qandaq qilar? Ular ölmeste wetinimizni azat qilsaq ularni biz qandaq qilarmiz? Azatliq kürishi jeryanida ular dawamlilq düshmen terepte turiwerse ularni qandaq qilishimiz kérek?

2006-yili 4-ay.


2009-yili 12-Awghust, Charshenbe
Qaraxan
Bu uchur 1672 qétim oquldi.

Sherqiy Türkistan Jumhuriyiti Sürgündiki Hökümiti©2004-2015

XHTML 1.0 Strict xelqara ölchimige uyghun. CSS xelqara ölchimige uyghun.