Xewerler

Istanbulda Tajawuzchi Xitay Bash Wekili Wenjiabaogha Qarshi Namayish Ötküzüldi

Tajawuzchi Xİtayning bash ministiri achköz Wenjiabao Türkiyege resmi ziyaretke keldi.

Wenjiabao Enqerede Türkiye bash ministiri Rejep Tayyip Erdoghan janapliri we bashqa dölet rehberliri bilen körüshkendin kéyin 8-séntebir chüshtin kéyin Istanbulgha kelgen.

Ayasofiye Jamesi Yenida Namayish

9-Séntebir küni seherdin bashlap Istanbuldiki Sherqiy Türkistan Maarip we hemkarliq jem’iyiti, Sherqiy Türkistan Yashlar we Medeniyet jem’iyitining teshkillishi bilen Istanbuldiki Uyghur muhajirlar jem bolup Wenjiabao chüshken Konrad (Conrad) méhmanxanisi aldigha, Wenjiabao ziyaret qilmaqchi bolghan Suntan Axmet meydanidiki Ayasofiya jamesi aldigha yighiliship qarshiliq paaliyetlirini élip bardi.

Ayasofiye Jamesi Aldida Xitaygha Qarshi Namayish

8-Séntebir Enqerede kesh étilip reswa qilin’ghan Wenjiabao Istanbulda téximu reswa bolushtin qorqup etigen seherde muddettin burun méhmanxanidin chiqip Ayasofiye jamesige qarap tikiwetken bolsa, undin kéyin Türkiye hökümitige yalwurup Sherqiy Türkistanliq muhajirlarning ay-yultuzluq kök bayraqni, xitayning jinayetlirini pash qilidighan lozunkilarni élip awat kochilarda Wenjiabaoning saxtipez ömikige qarshi heriket qilip ularni reswa qilishini hemde kesh étishini cheklesh heqqide pay-pétek boldi.

Istanbul Qabatash Piristanda Namayish

Wenjiabaoning arqisidin qoghlap yürüp namayish qilghan Uyghur muhajirlar we muxbirlar Ayasofiye jamening aldi, Misir Bazirining aldi we Qabatash Piristanining aldi hemde Konrad (Conrad)méhmanxanisining etrapigha topliship saqchilarning qattiq cheklishige qarimay naraziliqlirini namayen qilishti.

Istanbuldiki namayish jeryanida Sherqiy Türkistan Medeniyet we Hemkarliq jem’iyitining re’isi Séyit Tümtürk ikki qétim muxbirlargha bayanat berdi.

Istanbuldiki wezipe ötewatqan Türk saqchilar bilen sürkilishler yüz berdi.

Türkiyening Star Téléviziye qanilida tarqitilghan xewerni töwende paydilinishinglargha sunduq.

Namayish jeryanida xitay tajawuzchilarning jinayetlirini pash qilidighan shoarlar, qatilliq jinayetlirini eyipleydighan shoarlar towlandi. Xitay Wenjiabaoning hejwi resimliri we xitayning qan purap turidighan bayraqliri köydürüldi.

  Hemmige qadir Allah,Sherqiy Türkistan Xelqini öz panahingda özeng saqlighaysen,Amin! Sherqiy Türkistan xelqining sendin bashqa héchnersisi yoq.Weten ichi we yaqa yurtlarda temtirep yürgen gunahkar qulliringni peqet sanga amanet qilduq,özeng meghpiret qilghaysen,özeng asrighaysen we himaye qilghaysen,Amin! 

2010-Yili 10-Ayning 9-Küni, Shenbe


2010-yili 15-Öktebir, Jüme
Qaraxan
Bu uchur 1815 qétim oquldi.

Sherqiy Türkistan Jumhuriyiti Sürgündiki Hökümiti©2004-2015

XHTML 1.0 Strict xelqara ölchimige uyghun. CSS xelqara ölchimige uyghun.