Sherqiy Türkistan Milliy Azatliq Merkizining reisi Eniwer Yüsüpning tirishchanliqi we teshkillishi, Amerikidiki we bachqa ellerdiki Uyghur qérindashlarning qollishi bilen Amerikida 2004-yili 9-ayning 14-küni “Sherqiy Türkistan Sürgündiki Hökümiti” resmi qurulghanliqini jakalidi.

Türkiyening dölet televiziyisi TRT2 9-ayning 16-künidiki xewiride, “Amerikida Sherqiy Türkistan Sürgündiki Hökümiti”ning qurulghanliqini, buning dunyadiki Uyghurlarni intayin söyündürgenlikini, buning bilen Xitayning endishige chüshidighanliqini tilgha aldi. TRT yene Sherqiy Türkistan Sürgündiki hökümitining jumhur bashliqi Exmet Igemberdi, Bash ministiri Eniwer Yusup, Sultan Mahmut mejlis bashliqi bolghanliqini, hazirche hökümet ezalirining 17 kishidin terkip tapqanliqini élan qildi.

Sherqiy Türkistan Sürgündiki hökümitining eng zor tirishchanliqlarni körsütüp, Xitay mustemlikichilirining zulmigha qarshi küchlük paaliyet élip bérip, Sherqiy Türkistanning musteqilliq yolida jan pidaliq bilen küresh qilishini ümüt qilimiz we qollaymiz. Sürgündiki hökümitimizning qurulghanliqi Sherqiy Türkistan xelqining arzusi, iradisi bolup, xelqimiz chong ümütlerni kütidu. Sürgündiki hökümetning barliq küreshlirige muweppeqiyet tileymiz ! Yashisun Sherqiy Türkistan xelqi !

Cheteldiki barliq teshkilat we shexslerning Sürgündiki hökümitimizni her jehettin qollishini ümüt qilimiz.

Sherqiy Türkistan Informatsion Merkizi

Reis: Abdujelil Qaraqash

Muawis Reis:Erkin Qaraxan

2004-yili 9-ayning 16-küni